刚踏入43岁的陈山聪主演的剧集近日好评如潮,他正享受事业高峰期,下月又会跟女友Apple 结婚, 但曾几何时,他亦处于人生低谷,坦言离婚经历促使其成长,深明绝不能再犯错。日前他分别获兄嫂、女友及圈中好友为他庆生,明言今后会好好珍惜他们的爱, 又想“留一样嘢喺世上”。
陈山聪首次担正男一的无綫热播剧《金宵大厦》被誉为神剧,感情方面,他下月初将与拍拖5年的女友拉埋天窗,看似事事顺利,其实他数年前都经历过高山低谷。与前妻Ponny离婚后,他与赌王千金何超云拍拖,情场攀上顶峰,同时事业跌入谷底,两人分手后,一切推倒重来, 他重返无綫从零开始, 加上结识了Apple,生活才重回正轨:“人生每个经历都值得细味、值得成长,感恩经历过嘅一切, 一步一步咁走,直到近年大家都觉得‘陈山聪有改变’,我会好好珍惜。”
山聪坦言离婚经历令他成长,确信将来会更好,因为明白到不能再犯错,也懂得好好保护得来不易的感情:“希望将来每日同太太过得开心,咁已经足够。”并感激女友5年来在精神以至生活上的支持:“无论我收工几夜返去,佢都冇怨我冇时间陪佢,同埋每年佢生日我都唔可以同佢庆祝, 因为佢同TVB 同一日生日,我要完骚后先可以返去同佢切蛋糕。”
朋友都知道山聪向来喜欢“搞花臣”,人生大事却一切从简,他说:“尊重太太意愿,大家都想简化啲,香港一次过搞掂。因为仲拍紧《大步走》,只系中间放两日假去结婚,有个仪式、签张纸、夜晚食餐饭,好简单。其实开头大家唔想搞,连餐饭都唔谂住搞,想屋企人食饭就算,我话唔好啦,成班兄弟姊妹可以玩吓、影吓相,来宾都系我哋最好朋友,系一个好简单嘅Party 。”正如他所言,身边有爱自己的人已足够,所以他数日前生日未有大事庆祝,只与女友及哥嫂吃了一顿饭,手捧一个小蛋糕许愿,温馨又简单。
讲到求婚过程,山聪自爆绝非大家期待的跪地、放烟花,而是比普通更普通:“喺佢旧年生日求婚嘅,当晚食完晚饭返屋企,佢都好奇怪点解我冇礼物,跟住我就攞只戒指出嚟。其实一直都有结婚计划,我话差唔多时间,去签字结婚啦,佢话OK,就系咁简单。我一直觉得需要畀个名分佢,我又想生小朋友呢,拍完《大》剧就‘开工’喇!”以往从没计划生BB,他承认全因兄弟们令其心态有大转变:“年几前开始有呢个念头,以前唔觉得会凑到,我哋两个又向往自由,但系身边朋友郭政鸿、黎诺懿、张达伦都做咗老窦,见佢哋好开心,而太太细妹个囡囡出世,我又成日凑住佢玩,自己感觉好Ready做爸爸,会谂人生系咪要留一样嘢喺世上,或者为咗我哋陈家又好,哈哈!不过都系等上天安排, 冇谂生几多个, 有得拣我就锺意女,女会嗲住爹哋嘛!”
如果觉得《TVB小生陈山聪情伤觉醒护妻赶生B》对你有帮助,请点赞、收藏,并留下你的观点哦!