陈家乐、林夏薇（薇薇）昨日齐齐现身将军澳电视城录影综艺节目《娱乐大家》，提到是《逆缘》Re-U，家乐笑话：“我哋太夹，之前有一齐去玩Do姐（郑裕玲）嗰游戏节目，赢咗差唔多一万蚊，即刻被监制垂青，挑战埋阿姐（汪明荃）呢个节目。”
讲到玩游戏，家乐认叻话最醒，但不忘都赞薇薇直觉准，薇薇即刻爆料：“啱啱试玩先发现佢系猪队友！我救咗佢两次，仲反指我系凶手！”家乐笑住解画：“系阴谋！我哋扮唔啱，等阵啲敌人就会放松，就可以赢钱。”二人还互相提点要醒少少，认真笑爆嘴！问到家乐为何最叻玩游戏？他自认有唔服输性格，身旁的薇薇闻言唔觉意一爆再爆：“佢系玩家！”她冲口而出后发现唔对路修正：“我指系游戏王，哈哈！”家乐无奈笑话：“话我玩家，咁都畀你入一入！”问到薇薇是否拍戏期间发现家乐是“玩家”？她即封口扮傻：“唔知呀！我等阵同佢同队，要小心啲讲嘢。”家乐“投诉”：“佢成日都恰我！”早前有指薇薇有意加入乐坛，她澄清：“我系锺意唱歌啫！”家乐听见即笑对方：“佢唱歌冇可能！曾经我哋想一齐合唱剧集主题曲，但监制一听到我哋啲歌声，之后冇下文就知咩事啦！但你OK嘅！”薇薇续言：“拍戏同唱歌相比，我锺意拍戏多啲，有机会都想多啲尝试，之前都有上《流行经典50年》，有时得闲登吓台都好开心。”
汪明荃（阿姐）现身电视城为其主持的综艺节目《娱乐大家》录影，因明日（28日）是她的72岁生日，众艺人于影完大合照后为她送上Surprise，推出巨型大蛋糕，陈家乐、森美、黎诺懿、张颖康、陆浩明、丁子朗等，齐齐嘟嘴扮锡寿星，只得苏永康坚献吻，凼得阿姐眉开眼笑！阿姐更即刻“点灯”赐Cream予每位男艺人，场面爆笑！讲到明日牛一，阿姐指除了契女请食饭外，都没有特别庆祝活动：“日日都忙排粤剧，但都食咗几个生日蛋糕。（老公罗家英有送礼物？）冇，家英哥唔会特别为生日而买礼物，平时有咩需要都会买，都老夫老妻唔会Surprise。”问到可有睇家英哥主持的ViuTV节目《台湾文西Only You》？她表示：“寻晚睇咗少少，佢自己话要睇。（有睇到佢之前打美女Patpat？）我唔知喎！剧情需要咋？你问佢啦！（要备案？）唔使，冇咩需要，咁大年纪同后生女一齐拍嘢都系搞笑啫，呢个节目系佢啱啱做完手术休息咗好少时间就去拍，都有叫佢唔好去，但佢话应承咗要拍，有时接Job就系咁，系辛苦啲，但佢好开心啦，依家啲合作全部都系后生靓女。佢依家都好忙，如果抽到时间都想佢陪我排戏。”
如果觉得《揭陈家乐系玩家 林夏薇：我救咗佢两次》对你有帮助，请点赞、收藏，并留下你的观点哦！
