艺人汤洛雯（靓汤）25日为无綫新剧《隐门》进行宣传，她表示剧中有小量动作场面，但被打得最甘一场是被剧中父亲张国强狂打头：“即刻觉得好有爸爸感觉，细个都有畀爸爸打，但都只系打手板。”问到会否要求未来老公马国明一齐收看新剧？她坦言对方想，但自己就怕尴尬，故叫马国明独个儿在客厅看：“佢锺意即时睇，我就锺意重温。佢都好锺意叫我睇佢啲剧，我依家要睇，佢最近两套剧都好睇。（有机会成为视帝？）喺我心目中佢向来都系视帝。（马国明睇完你嘅剧会唔会畀评价你？）佢唔会讲负面嘢，对于佢嘅评论我只会当浮云，成日都话几好，明明唔好都话几好。（你会唔会评价番佢？）我咩程度可以畀意见呀！”靓汤笑言经常要求对方剧透，但马国明却守口如瓶：“我有次好认真同佢讲，我想你对我坦白，佢好紧张咁话会坦白，我话咁你讲畀我知剧中边个系奸人。（咁佢有冇讲？）佢都系冇讲，只肯点头同摇头表示。”
提到婚礼在即，靓汤谓正积极减肥，并筹备到外地影婚纱照：“不过仲等紧马国明个期，因为佢好似仲要拍多套剧。佢系冇乜仪式感嘅人，觉得两个人喺埋一齐就得，但我觉得影婚纱相系一个回忆同留念。（婚照会唔会有独角兽元素？）我哋已经成熟咗，其实仲未有构思，连裙都未拣，所有嘢都好初步，希望可以有啲突破性嘅嘢。”
如果觉得《汤洛雯望影突破性婚照：不过仲等紧马国明个期！》对你有帮助，请点赞、收藏，并留下你的观点哦！
